سول
ڪورٽ جي حڪم تي ايس ڊي ايم هالا ملڪ اڪرام ۽ ڀٽ شاهه ٽائون آفيسر باقر
بروهي جي اڳواڻي ۾ ناجائز حد دخلين خلاف آپريشن
تفصيل
موجب ؛.سول ڪورٽ جي حڪم تي ايس ڊي ايم هالا ملڪ اڪرام ۽ ڀٽ شاهه ٽائون آفيسر باقر
بروهي جي اڳواڻي ۾ ناجائز حد دخلين خلاف آپريشن ڪيو ويو شهر جي دنبورا چوڪ ، درگاهه چاڙهي ۽ ٻين هنڌن تي
پوليس ۽ ٽائون عملي گڏيل طور تي ڪارروائي ڪري غير قانوني طور تي قائم ڪيل ڇپرا ۽
ناجائز اڏاوتون ڊاهي پٽ ڪري ڇڏيون ۽ ڪيترائي غيرقانوني طور پيل ريڙها ۽ گاڏا پوليس
موبائلن ۾ کڻايا ويا ۽ ڪرينن جي مدد سان غير قانوني قائم ڪيل ڇپرا پڻ ڊاهي پٽ ڪيا
ويا ، ان موقعي تي اي سي هالا ملڪ اڪرام جو چوڻ هو تـ ڪيترائي ڀيرا ناجائز قبضا ۽
حد دخليون ڪندڙن کي وارننگ ڏني مگر انهن جي ڪن تي ڪا جون ءَ بـ چري اڄ مجبور ٿي ڪرينن
جي مدد سان ڪارروائي ڪئي آهي هنن چيو تـ اڄ پهريون ڏينهن هو ان جي ڪري دنبورا چوڪ ۽
درگاهه چاڙهي سميت ڪجهه علائقن ۾ ڪارروائي ڪئي آهي هاڻي شاهي بازار سميت ٽنڊو آدم
روڊ ۽ ٻين علائقن ۾ قائم ڪيل ناجائز حددخلين خلاف بـ ڪارروائي ڪري اتي غير قانوني
حددخليون ۽ اڏاوتون ڊاهي پٽ ڪيون وينديون ، هنن چيو تـ قبضا خورن خلاف ڪارروائي
جاري رکي ويندي ،،
إرسال تعليق