ڀٽ
شاهه ؛ رپورٽ ؛امتيازاحمد ابڙو
ايس
ايس پي مٽياري جي حڪم تي ڀٽ شاهه سميت سموري ضلعي اندر پوليس پاران منشيات فروشن
خلاف ڪريڪ ڊائون ،،2 روپوش جوابدار ۽ 3 منشيات فروش گرفتار ،هڪ عدد رپيٽر ، هڪ پسٽل
،گوليون ، 20 لٽر شراب ،مين پڙيون ، گٽڪو ۽ ٻيون نشي آور شيون برآمد ، ايس ايڇ او ڀٽ
شاهه جي اڳواڻي پوليس جو شهر اندر سرچ آپريشن ، منشيات فروشن ۾ ٿرٿلو ، دنبورا چوڪ
ڀرسان دوڪاندار نشي آور شين جي پيڪٽن سميت
گرفتار ، خبر موجب ؛ ايس ايس پي مٽياري ملڪ ظفر اقبال جي سخت هدايتن بعد سموري
ضلعي اندر پوليس جو منشيات فروشن ۽ ڏوهارين خلاف ڪريڪ ڊائون جاري آهي ، پوليس ڪارروائي
ڪندي سعيد آباد ويجهو مور ميمڻ کي گرفتار ڪري ان جي قبضي مان 200 ليٽر شراب هٿ ڪيو
ويو آهي ، جڏهن تـ هڪ ٻي ڪارروائي دوران پوليس روپوش جوابدار نثار جمالي کي گرفتار
ڪري ان کان پسٽل پڻ هٿ ڪري ورتو آهي ، شاهپور ٿاڻي جي حد ۾ پوليس خفيا اطلاع تي ڪارروائي
ڪندي اشتهاري جوابدار وارث مري کي گرفتار ڪري ان وٽان هڪ رپيٽر ۽ گوليون هٿ ڪري
ورتيون آهن ، گرفتار جوابدار خلاف ڪيس داخل ڪيا ويا ، ٻي پاسي ڀٽ شاهه پوليس ايس
ايڇ او محمد حنيف مهر جي اڳواڻي ۾ شهر اندر منشيات فروشن خلاف آپريشن ڪري واپاري
ليار مل جي پٽ راجو کي گرفتار ڪري ان جي قبضي مان وڏي تعداد ۾ مين پڙي ، 2100 ۽ گٽڪو
هٿ ڪري ورتو ، جڏهن تـ پوليس مختلف ڪئبنن تان نشي آور شيون برآمد ڪري ڪئبنون بند ڪرائي
ڇڏيون پوليس جي ڪارروائي دوران شهر ۾ منشيات جو ڪاروبار ڪندڙ ڪئبنن وارا پنهنجون ڪئبنون
ڇڏي فرار ٿي ويا ، ايس ايڇ او محمد حنيف مهر صحافين کي ٻڌايو تـ ڪنهن بـ منشيات
فروش کي بخش نـ ڪيو ويندو ، هن چيو تـ اسان جي شهر جي ماڻهن ۽ صحافي برادري کان
گذارش آهي تـ اهي منشيات فروشن ۽ سماجي براين ۾ ملوث ماڻهن خلاف ٿيندڙ ڪاررواين ۾
پوليس جو ساٿ ڏين تـ جيئن شهر مان سماجي براين ۽ منشيات جي لعنت کان ڇوٽڪارو حاصل ڪري
سگهجي ،
إرسال تعليق