ڀٽ شاهه پيپلزپارٽي کي ختم ڪرڻ جا خواب ڏسندڙ پاڻ ئي ڀورا ڀورا ٿي ويندا ، مخدوم فخرالزمان

ڀٽ شاهه رپورٽ ؛. امتياز احمد ابڙو

پيپلزپارٽي کي ختم ڪرڻ جا خواب ڏسندڙ پاڻ ئي ڀورا ڀورا ٿي ويندا ، مخدوم هائوس جو عوام سان قائم ڪيل رشتو هميشا قائم ۽ دائم رهندو ، مخدوم فخرالزمان  ،، پيپلزپارٽي ۽ مخدوم هائوس جو ساٿ هميشا برقراررهندو ،بلاول ڀٽو زرداري نوجوانن جو ليڊر آهي ۽ مستقبل جو وزير اعظم آهي ، مٽياري ضلعي جي چيئرمين شپ ملڻ بعد سڀني علائقن ۾ برابري جي بنياد تي ترقياتي ڪمن جو ڄار وڇايو ويندو ، عوام جي تڪليفن ۽ اهنجن کان واقف آهيان ، سموري ضلعي اندر هلي رهيو آهي انشاءَ الله عوام جي مسئلن جي حل لاءِ ڀرپور ڪوشش ڪندس ، ڪير بـ اسان جو مخالف نـ آهي سڀ اسان جا پنهنجا آهن سياست خدمت ڪرڻ جو نالو آهي مٽياري ضلعي جي چيئرمين شپ جي اميدوار مخدوم فخرالزمان جون ڀٽ شاهه ۾ مختلف برادرين سان تعزيت ڪرڻ وقت ميڊيا سان ڳالهيون ،، خبر موجب ـ پيپلزپارٽي طرفان مٽياري ضلعي لاءِ چيئرمين جو اميدوار مخدوم فخرالزمان ڀٽ شاهه پهچي ملاح برادري جي اڳواڻ حاجي غلام رسول ملاح سان سس جي وفات ۽ چوهاڻ برادري جي اڳواڻ غلام شبير چوهاڻ سان ڌيءَ جي وفات تي تعزيت ڪئي ، ان موقعي تي فقير حسين علي جعفري ، غلام اڪبر ڀٽو ، رجب بوزدار ، نثار ساگر ، فاروق نوحپوٽو ، گل حسن راجپوت ،غلام اڪبر ملاح ،ذوالفقار سومرو ، اعظم چوهاڻ۽ ٻيا پڻ موجود هئا ،تعزيت بعد ميڊيا سان ڳالهه ٻول ڪندي مخدوم فخرالزمان چيو تـ سياست عبادت جو نالو آهي ، هميشا عوام جي خدمت کي ترجيح ڏيڻ گهرجي ، هن چيو تـ مخدوم هائوس جو عوام سان قائم ڪيل رشتو هميشا قائم ۽ دائم رهندو تيئن ئي پيپلزپارٽي ۽ مخدوم هائوس جو ساٿ بـ سدائين برقرار هوندو ، پيپلزپارٽي کي ڪمزور ڪرڻ يا ختم ڪرڻ جا خواب ڏسندڙ پاڻ ئي ڀورا ڀورا ٿي ويندا ، هن چيو تـ بلاول ڀٽو زرداري نوجوانن جي ليڊر آهي ۽ مستقبل جو وزير اعظم آهي بلاول ڀٽو زرداري ۾ شهيد راڻي محترمـ بينظير ڀٽو وانگر ليڊر شپ جون خوبيون موجود آهن ، مخدوم فخرالزمان چيو تـ مٽياري ضلعي جي سڀني ڳوٺن ۽ شهرن ۾ هلي رهيو آهي عوام جي مسئلن کان واقف آهيان ، ضلعي جي چيئرمين شپ ملڻ بعد سموري ضلعي بنا ڪنهن فرق جي ترقياتي ڪمن جو ڄار وڇايو ويندو ۽ برابري جي بنياد تي ڪم ٿيندا ، هن چيو تـ ڪير بـ اسان جو مخالف نـ آهي سڀ اسان جا پنهنجا آهن جن اسان جو ساٿ ڏنو انهن کي ڪڏهن بـ وساري نٿو سگهجي ، ڀٽ شاهه جي مسئلن جي حل لاءِ ايم پي اي ڊاڪٽر مخدوم رفيق الزمان ذاتي دلچسپي وٺي رهيو آهي ، مسئلا تمام گهڻا آهن هڪ هڪ مسئلو ڪري انهن کي حل ڪيو ويندو اسان کي سڀني مسئلن جو احساس آهي ، روڊن رستن ، ڊرينيج ، صاف پاڻي اهم بنيادي مسئلا حل آهن جيڪي فوري طور تي حل ٿيڻ گهرجن ، اسان ان سلسلي ۾ ڪوشش ڪري رهيا آهيون ، هن چيو تـ مٽياري ضلعي جو چيئرمين پي پي جو ئي ٿيندو جنهن لاءِ آئون پاڻ بـ اميدوار آهيان ۽ ٻيا بـ اميدوار آهن مگر پارٽي جيڪو فيصلو ڪري ، هن چيو تـ خدمت جو موقعو مليو تـ ڀرپور خدمت جي ڪوشش ڪئي ويندي ، منهنجو عوام سان ناتو آهي هر ڏک ۽ سک ۾ عوام سان گڏ شريڪ ٿيڻ پسند ايندو آهي مٽياري ضلعو پيپلزپارٽي ۽ مخدوم هائوس هائوس جو قلعو هو ۽ قلعو ئي رهندو ،