ڀٽ شاهه؛ رپورٽ امتياز احمد ابڙو
ڀٽ شاهه جي نگري ۾ هڪ دفعو ٻيهر بدامني جو جن بوتل
مان ٻاهر نڪري آيو هڪ رات ڦر جون 4 وارداتون ، موٽر سائيڪل سوار ٽن ڦورن هٿيارن جي
زور تي الله والا چوڪ ڀرسان ٽن سرڪاري عملدارن خالد انصاري ، دوست محمد جوڻو ،
غلام نبي سومرو سميتراجا باگڙي کان 4
موبائل فونون ۽ هزارين روپيا روڪ رقم ڦر ڪري فرار ٿي ويا ، لطيف جي نگري ۾ هڪ دفعو
ٻيهر بدامني ۾ اضافي بعد شهري پاڻ کي غير محفوظ سمجهڻ لڳا شهرين ۾ خوف وحراس ڇانيل
، خبر موجب ؛ ڀٽ شاهه جي نگري ۾ وڏي عرصي کان امن بعد اوچتو بدامني جو جن بوتل مان
ٻاهر نڪري آيو ، شهر جي مک ۽ اهم داخلي روڊ الله والا چوڪ تي ٽن موٽر سائيڪل سوار
هٿياربندن سانگهڙ ضلعي جي اڪائونٽ آفيسر خالد انصاري ، ويڪسينيٽر دوست محمد جوڻو ،
ماستر غلام نبي سومرو کان موبائل فون سميت هزارين روپيا روڪ رقم ڦر ڪري فرار ٿي
ويا ، جڏهن تـ ٿهيم چيڪ پوسٽ ڀرسان نامعلوم ٽن هٿياربند ن هڪ هاري راجا باگڙي کان
موبائل ۽ 3000 هزار روپيا روڪ رقم ڦر ڪري فرار ٿي ويا ، جڏهن تـ ٻي پاسي درگاهه
حضرت شاهه عبداللطيف ڀٽائي تي سيوهڻ ميلي مان ايندڙدرجنين زائرين جا جيب ڪترا کيسا
ڪٽي ويا ۽ درگاهه جي احاطي ۾ رکيل ڪيترائي قيمتي سامان بـ چورائي ويا ، جنهن ڪري
پانڌيئڙن کي سخت تڪليفن ۽ مصيبتن کي منهن ڏيڻو پئجي ويو ، لطيف جي نگري ۾ اوچتو
بدامني ۾ اضافي ٿيڻ بعد شهرين ۾ تاءُ پکڙجي ويو آهي ۽ شهرين ۾ خوف و حراس ڇانيل
آهي ڀٽ شاهه جي شهرين ايس ايس پي مٽياري ۽ ڊي آ ءِ جي حيدرآباد کان مطالبو ڪيو آهي
تـ ڀٽ شاهه جي نگري ۾ وڌندڙ بدامني جو نوٽيس وٺي نااهل پوليس اهلڪارن خلاف
ڪارروائي ڪئي وڃي ۽ عوام کي تحفظ فراهم ڪيو وڃي
إرسال تعليق