هالا(رپورٽ عبدالغفورميمڻ)
هالا جسقم چيئرمين صنعان خان قريشي چيو آهي ته اسين صوفي ازم جا پيروڪار آهيون،
صوفي يونيورسٽي اسان جو اثاثو آهي ان کي غلط هٿن ۾ وڃڻ نه ڏينداسون اهڙو اظهار هن
هالا ۾ جسقم ضلعي مٽياري جي ڪارڪنن عبدالرشيد ڏيٿو، عمران سنائي، بادشاهه رند
پاران ڏنل مانجهاندي بعد صحافين سان ڳالهائيندي ڪيو، هن چيو ته صوفي يونيورسٽي
ايشيا جي پهرين يونيورسٽي آهي جيڪا ڀٽ شاهه ۾ قائم ڪئي وئي آهي اهو اسان لاءِ وڏو
اعزاز آهي، هن چيو ته صوفي يونيورسٽي جي مقرر ڪيل وي سي پروين منشي کي سفارش ۽ وڏي
رشوت عيوض هتي مقرر ڪيو ويو آهي جيڪو صوفي يونيورسٽي کي تباهه ڪرڻ جو هڪ سوچيل
سمجهيل منصوبو آهي ۽ اسين ان منصوبي کي ڪنهن به صورت ۾ ڪامياب ٿيڻ نه ڏينداسون،
صوفي يونيورسٽي جو وي سي اهو هئڻ گهرجي جنهن کي صوفي ازم جي ڄاڻ هجي ۽ هو صوفي ازم
جي پرچار ڪري سگهي، هن چيو ته صوفي يونيورسٽي جي مقرر ڪيل وي سي جو تعلق هڪ سياسي
تنظيم سان آهي ۽ هن جو صوفي ازم سان پري پري تائين ڪوبه تعلق نه آهي، هن چيو ته
صوفي يونيورسٽي جو وي سي ميرٽ تي چونڊيلن مان ڪنهن هڪ کي مقرر ڪيو وڃي ٻي صورت ۾
جسقم پاران پوري سنڌ ۾ احتجاجي مظاهرا ڪري ڌرڻا هنيا ويندا.
إرسال تعليق