برلن (آن
لائين سنڌي نيوز) دنيا جي مختلف ملڪن ۾ فيڪٽريون هلائيندڙ جرمنيءَ جي مشهور شوز ڪمپنيءَ
فيڪٽرين ۾ روبوٽ رکڻ جو اعلان ڪري ڇڏيو آهي، ڪمپنيءَ موجب جيڪو ڪم انسان ملازم هٿ
سان ڪندا هئا، اهو ڪم هاڻي ”سيوبوٽس“ نالي روبوٽ ڪندا، پهريان ايشيا، پوءِ يورپ ۽
آخر ۾ آمريڪا جي فيڪٽرين ۾ روبوٽ رکيا ويندا، ڪمپنيءَ جي انهيءَ اعلان تي انٽرنيشنل
ليبر آرگنائيزيشن ڳڻتيءَ جو اظهار ڪري ڇڏيو آهي، آءِ ايل او پنهنجي بيان ۾ چيو آهي
ته فيصلي سان ڪمپنيءَ جي فيڪٽرين ۾ ڪم ڪندڙ 90 سيڪڙو ورڪر متاثر ٿيندا، آءِ ايل او
وڌيڪ چيو آهي ته رڳو آسيئان (ايسوسيئيشن آف سائوٿ ايسٽ ايشين نيشنز) ۾ ايندڙ ملڪن
جا 90 لک ماڻهو ٽيڪسٽائيل، گارمينٽس ۽ فوٽ ويئر ڪمپنين ۾ ڪم ڪن ٿا، روبوٽن جي اچڻ
سان اهي بيروزگار ٿي ويندا، ملائيشيا، ٿائيلينڊ، انڊونيشيا ۽ ڪمبوڊيا ۾ بيروزگاري
تمام گهڻي وڌي ويندي، انهن ملڪن کي اڳواٽ ئي ڪو متبادل ڳولڻ گهرجي.
إرسال تعليق