04 آگسٽ 2016
هالا(رپورٽ عبدالغفور ميمڻ)
صحت کاتي نيشنل پروگرام مٽياري پاران مخدوم فخرالزمان
پرائيويٽ اسڪول هالا ۾(ماءُ ۽ ٻارجي صحت) جي متعلق هڪ سيمينار جو انغقاد ڪيو
ويوجنهن جي ميزباني نيشنل هيلٿ پروگرام جي انچارج ڊاڪٽر عبدالستار ميرميمڻ جن ڪندي
مذڪوره پروگرام ۾ شرڪت لاءَ ايندڙ مهمانن جو آڌرڀاءُ ڪندي کين سنڌ جي سوکڙي اجرڪون
پهرايون.مذڪوره سيمينار جو مهمان خاص ڊپٽي ڪمشنر مٽياري پرويزاحمد بلوچ جن هئا
جڌهن ته مذڪوره سيمينار ۾ ڊسٽرڪٽ هيلٿ آفيسر مٽياري ڊاڪٽر عبدالستار انصاري،پي پي
ايڇ آءَ ضلعي مٽياري جو ڊي او ڊاڪٽر شجاع ابڙو،ڊاڪٽر رام،ڊاڪٽر
مظفرسمون،پروفيسرمنوج ڪمار،اين آر ايس پي جي ضلعي انچارج ذوالفقار علي،پ پ اڳواڻ
ڊاڪٽر زاهدميمڻ،اسڪول جي انچارج محمد خان ميمڻ،اڳوڻي پرنسپال ميدم شاڪرا،ليڊي
ڊاڪٽرن ۾ رافعه ڳاهوٽي،ڪنول شاه،انيس ميمڻ،فرازانه ميمڻ،فهميده ڀٽي کان علاوه ايل
ايڇ ايسز،ايل ايڇ ڊبليوز،اسڪولي ٽيچرزسيمت شاگردن تمام وڏي انگ ۾ شرڪت ڪئي.ان ماءَ
۽ ٻارجي صحت سيمينار جي نسبت سان هالا جي بهترين محنتي استاد محمد جمن ملاح جي
پاران تيار ڪيل مختلف تقريرون ،خاڪا۽ ٽيبلوزمخدوم فخر الزمان اسڪول جي شاگردن
پاران پيش ڪيا ويا جنهن کي هالا ۾ ويٺل معززين پڻ ساراهيو.ان موقعي تي تقريب کي
خطاب ڪندي ڊي سي مٽياري پرويزاحمد بلوچ،ڊاڪٽرعبدالستارميرميمڻ۽ ٻين پنهنجي خطاب۾
چيو ته ضلعي مٽياري جي صحت کاتي ۾ هڪ وڏو حصوليڊي هيلٿ ورڪرزجو آهي جن جي حقيقي
محنت سبب ضلعو مٽياري پوليوکان پاڪ آهي هن چيو انهن پاران جرجنگ ۾ سردي توڙي سخت
گرمين ۾ گهرگهرپهچي اتي موجود معصوم ٻارڙن کي پوليو کان بچاءَ سميت انهن کي ٻين
موذي مرضن کان بچاءَجا ٽڪا ۽ ڦڙا پياري انهن کي مرضن کان بچائين ٿيون جڏهن ته انهن
پاران حمل وارين عورتن کي صحيح علاج ومعالج جا طريقا ٻڌائي سندن مدد ڪن ٿيون۽ انهن
جي ڪاوشن سبب ئي اسان وٽ ماءُ ۽ ٻار جي اموات جا واقعا تمام گهٽ آهن.مذڪوره تقريب
۾بهترين ٽيبلوز،تقرير۽ خاڪا پيش ڪندڙ اسڪولي ٻارڙن ۽ ليڊي هيلٿ ورڪرز ۾ڊاڪٽر
عبدالستارميرميمڻ ڊي سي مٽياري پرويزبلوچ هٿان انعام ۽ ڪيش رقم پڻ ڏنا ويا.
إرسال تعليق
EmoticonClick to see the code!
To insert emoticon you must added at least one space before the code.