06 آگسٽ2016
هالا(رپورٽ عبدالغفورميمڻ)
هالا شهر هڪ ڀيرو ٻيهر ڏوهارين جي رحم ڪرم تي،
شهر توڙي ڀرپاسي ۾ ڏوهاري وارداتن ۾ اضافو، شام کان پوءِ روڊ رستا علائقي واسين
لاءِ نوگو ايريا بڻيل، تعلقه اسپتال هالا ۾ ڏينهن ڏٺي جو پوليس جي موجودگي ۾ صحافي
جي موٽرسائيڪل چوري، هالا باءِ پاس تان پيٽرول پمپ جي مئنيجر کان هٿياربند 90 هزار
روڪ ڦر ڪري فرار، علائقي ۾ ڏوهي وارداتن ۾ اضافي ٿيڻ باوجود هالا پوليس اگهور ننڊ
۾ ستل، ڏوهن تي ڪنٽرول ڪرڻ ۾ مڪمل طور تي ناڪام، هالا پوليس ڏوهارين اڳيان بيوس
بڻيل،
خبر موجب هالا ۾ نئين
مقرر ٿيل ايس ايڇ او ذيشان لاشاري جي مقرري بعد هالا ۽ ڀرپاسي جي علائقن ۾ ڏوهاري
سرگرمين ۾ اضافو اچي ويو آهي، ڏينهن ڏٺي جو ڦريون ۽ چوريون معمول بڻجي ويون آهن،
جنهن سبب علائقي واسي سخت خوف واري صورتحال ۾ مبتلا ٿي ويا آهن، شام جي ٻهراڙي جي
طرف ويندڙ رستا ڏوهارين جي رحم ڪرم تي آهن، موٽر سائيڪل جي چورين ۾ تمام گهڻو
اضافو ٿي ويو آهي، جڏهن ته هالا پوليس ان ڏس ۾ ڏوهارين اڳيان بلڪل بي وس بڻيل آهي،
تعلقه اسپتال هالا ۾ ڏينهن ڏٺي جو صحافي عبدالرزاق ميمڻ جي نئين موٽرسائيڪل
نامعلوم چور پوليس جي موجودگي ۾ چوري ڪري ويا، جڏهن ته ساڳئي ٽائيم تي المدينه
پئٽرول پمپ جي مئنيجر دين محمد ڏاهري کان موٽرسائيڪل سوار ٻه نامعلوم هٿياربند
هٿيارن جي زور تي 90 هزار رپيا روڪ ۽ موبائل فون ڦر ڪري فرار ٿي ويا، ڏوهارين
پاران اهڙين ڪاررواين کان پوءِ هالا توڙي ڀرپاسي جا رهواسي خوف واري صورتحال ۾
آهن، ٻئي طرف هالا جي سياسي سماجي ۽ واپاري تنظيمن پڻ اهڙين ڏوهاري وارداتن تي سخت
افسوس جو اظهار ڪندي شهر ۾ وڌنڌڙوارداتن تي فوري ڪنٽرول ۽ ڏوهارين خلاف قدم کڻڻ جو
مطالبو ڪيو آهي
إرسال تعليق