هالا(رپورٽ عبدالغفورميمڻ)
ضلعي مٽياري ۾ نئين مقرر
ٿيل ايس ايس پي ملڪ ظفراقبال اعوان پنهنجي چارج سنڀاليندي ئي ضلعي جي سمورن ٿاڻن
تي مقرر پوليس آفيسرن سان پنهنجي آفيس مٽياري ۾ تعارفي ملاقات ڪرڻ بعد هڪ هنگامي
گڏجاڻي ڪندي
اجلاس ۾ شريڪ پوليس آفيسرن کي هدايتون جاري ڪندي ضلعي ۾ غيرقانوني طور
هلندڙ سمورن سماجي برائين جي اڏن، منشيات،جوا،سميت بين برائين جي پيداوار کي فوري
طور بند ڪرڻ جون هدايتون جاري ڪندي ضلعي ڀر۾ امن وامان برقرار رکڻ سميت عوام جي
جان ومال جي حفاظت ڪرڻ جون هدايتون ڏنيون.ان اجلاس ۾ ضلعي جي ڊي ايس پيز،ايس ايڇ
اووز،سمورن ٿاڻن جي وڏن منشين شرڪت ڪئي.ان اجلاس بعد مٽياري جي چارج سنڀاليندڙ ايس ايس پي ملڪ
ظفراقبال اعوان پنهنجي آفيس ۾ ميڊيا سان سان خصوصي ڳالهه ٻولهه ڪندي هن چيو ته
ضلعو مٽياري هن جو گهر آهي ۽ هو پهرين به هتي پنهنجا فرض انجام ڏيئي چڪو آهي هتي
جو عوام هنجي لاءَ قابل تعريف آهن۽ مرشد لطيف جي نگري آهي هتي جي عوام کي هرقسم جو
تحفظ فراهم ڪرڻ سندس پهرين ترجيح آهي ۽ سندس موجودگي ۾ ضلعي متياري ۾ هلندر سمورن
سماجي برائين جي اڏن جو خاتمو آهي.هن چيو ته مٽياري ضلعي ۾ ڪنهن به
ڏوهاري،پاٿاريدارکي ڪنهن به صورت ۾ هرگز نه بخشيو ويندو چاهي اهوڪيڏو به بااثر
ڇونه هجي اگر ڪنهن به غلط ڪم ۾ ڪو پوليس آفيسر يا جوان ملوث ثابت ٿيو ته ان خلاف
به سخت کان سخت قانوني ڪاروائي ڪئي ويندي.ايس ايس پي ملڪ ظفراقبال اعوان چيو ته صحافي
سندس ڀائر آهن ۽ انهن کي گهرجي ته هو سندس ساٿ ڏيندي ضلعي ۾ امن وامان سميت
ڏوهارين،منشيات فروشن جي متعلق کين آگاهي ڏين ته جيئن ضلعي مٽياري کي ڏوهن ۽
ڏوهارين کان صاف ڪيو وڃي.
إرسال تعليق