هالا(رپورٽ عبدالغفورميمڻ)26مئي2016
هالا باءِ پاس تان نوجوان شادي شده ناري هٿيارن جي زور تي اغوا، پوليس اطلاع
باوجود ڪک ڀڃي ٻيڻو نه ڪيو، نوجوان ناري جي اغوا خلاف سندس سهري ۽ مڙس جو گهر
ڀاتين سميت احتجاجي مظاهرو،
خبر موجب هالا باءِ پاس تي
رهندڙ پوليس جمعدار خدابخش ڪنڀر پنهنجي عورتن، ٻارڙن سان گڏجي سندس گهر تي ٿيل
حملي ۽ سندس ننهن جي اغوا خلاف سخت احتجاجي مظاهرو ڪيو ، ان موقعي تي پوليس جمعدار
جي پٽ مولابخش ڪنڀر صحافين سان ڳالهائيندي چيو ته ڪجهه ڏينهن پهرين مون ڪراچي جي
رهواسڻ امبرين ملڪ سان حيدرآباد جي ڪورٽ سڳوري ۾ پيار جو پرڻو ڪيو هو، جنهن تي ڇوڪري
جو پيءِ محمد لالاشهزاد، عمران مغل، فقير محمد ڪنڀار، احمد علي مغل ۽ ٻين سان گڏجي
اسان جي گهر رمضان ملڪ ۽ چاچو محمد عمران ملڪ پنهنجي هٿياربند ساٿين جبار مغل،
مٿان حملو ڪري اسان جي عورتن تي سخت تشدد ڪيو جنهن سبب اسان جون ٻه عورتون زخمي ٿي پيون ۽ هڪ عورت
جو حمل ضايع ٿي ويو، اسان جي دانهن تي پاڙي وارا گڏ ٿي ويا جڏهن ته مذڪوره ماڻهو
منهنجي گهر واري کي وارن کان جهلي گهليندا ۽ مارڪٽ ڪندا ڪار
۾ زبردستي اغوا ڪري کڻي ويا، جنهن جو اطلاع اسان هالا ٿاڻي تي ڏنو پر پوليس اڃا
تائين ڪک ڀڃي ٻيڻو نه ڪيو آهي ۽ نه ئي ڪو ڪيس داخل ڪيو آهي، هن چيو ته مذڪوره
ماڻهو منهنجي گهر واري کي اغوا ڪرڻ بعد هاڻ مون کي به موتمار ڌمڪيون ڏئي رهيا آهن
، هن چيو ته مذڪوره ماڻهو تمام گهڻا بااثر آهن ۽ مون کي خدشو آهي ته هو منهنجي گهر
واري امبرين ملڪ کي قتل ڪري ڇڏيندا، هنن آءِ جي سنڌ، ايس ايس پي مٽياري ۽ ٻين اعلى
اختيارين کان پرزور مطالبو ڪيو ته اغوا ٿيل امبرين ملڪ کي بازياب ڪرايو وڃي ۽ کين
تحفظ فراهم ڪيو وڃي
إرسال تعليق