تاريخ 15 جولائي 2016
اسلام آباد پاڪ
فوج کي غير آئيني قدم کڻڻ لاءِ ڀڙڪائڻ خلاف سپريم ڪورٽ ۾ آئيني درخواست داخل ڪئي
وئي آهي، سپريم ڪورٽ ۾ فيڊرل يونين آف جرنسلٽ جي اڳوڻي مرڪزي صدر افضل بٽ پاران
پنهنجي وڪيل اڪرام چوڌري ذريعي اهڙي درخواست داخل ڪئي وئي، درخواست ۾ پاڪ فوج جي
سربراهه جنرل راحيل شريف جي حوالي سان اسلام آباد ۾ بينر لڳائيندڙ تنظم موو آن جي
سربراهه، عوامي مسلم ليگ جي اڳواڻ شيخ رشيد احمد، ٽي وي اينڪر ڊاڪٽر دانش ۽ حڪومت
کي ڌر بڻايو ويو آهي، درخواست ۾ موقف ڏنو ويو آهي ته فوج اقتدار ۾ نه اچڻ جو
قسم کنيو آهي، جڏهن ته آرمي چيف کي حڪومت
جو تختو اونڌو ڪرڻ لاءِ ڀڙڪائڻ آئين سان غداري برابر آهي،درخواست ۾ چيو ويو ته فوج
کي غيرآئيني قدم کڻڻ لاءِ ڀڙڪائيندڙ ملڪ جا سڄڻ ناهن، درخواست ۾ اپيل ڪئي وئي ته
عدالت لاڳاپيل ڌرين خلاف آئين جي قلم 6 هيٺ ڪارروائي جو حڪم ڏئي
إرسال تعليق